Nanggepi lapuran-lapuran ngenani kasus keracunan Makan Bergizi Gratis (MBG) ing sawatara dhaerah, Presiden Prabowo Subianto langsung mundhut marang Kepala Badan Gizi Nasional Dadan Hindayana supaya mepaki dhapur-dhapur MBG nganggo alat sterilisasi, perangkat uji makanan (test kit), lan filter banyu resik.
Dhawuhe Prabowo mau diandharake nalika nggelar rapat winates ing dalam pribadine, Jalan Kertanegara, Jakarta, Minggu bengi, 5 Oktober 2025. Sekretaris Kabinet Teddy Indra Wijaya nuturake, Presiden Prabowo mundhut supaya alat-alat sterilisasi mau wis bisa digunakake minggu ngarepe.
“Presiden ndhawuhake, saora-orane minggu ngarep iki dhapur MBG wis dipepaki test kit kanggo ngecek karesikane panganan, alat korah-korah baki lan alat nggaringake sing higienis komplit nganggo banyu anget, alat khusus ngindhari bakteri, sarta filter banyu resik,” kandhane Teddy. Miturut dheweke, rapat terbatas mau ngevaluasi pangleksanane program MBG, sejene ngrembug program prioritas liyane, kaya dene Kopdes Merah Putih, ketahanan pangan lan energi, stimulus ekonomi, kampung nelayan, sekolah rakyat, cek kesehatan gratis lan liya-liyane. (Antara)
Panulis : Antara
Edhitor : Tim Redhaksi Panjebar Semangat Digital
