Presiden Prabowo Subianto nemenake, pemerintah nduweni komitmen kuwat nertibake praktek-praktek penebangan kayu ilegal kang samengko isih kedadeyan ana sawatara wilayah Indonesia. Miturut presiden, pemerintah lagi nertibake perusahaan-perusahaan sing mbalak kayu tanpa nganthongi idin legal kasebut.
“Malah kuwi sing arep daktertibake, pembalakan liar bakal ditertibake kabeh. Wis wiwit ditertibake,” ngendikane Presiden Prabowo marang wartawan nalika mertinjo kurban bencana banjir bandhang ing Sumatera Utara, Setu, 13 Desember 2025.
Presiden ngendikakake, pemerintah ora wigah-wigih matrapi paukuman marang perusahaan kang kumawani nebangi alas tanpa idin. Kanggo ngawasi sarta nyegah praktek-praktek pembalakan liar, pemerintah wis nganakake koordintasi antar-instansi
Menteri Kehutanan (Menhut) Raja Juli Antoni mratelakake, ana 12 subyek hukum sing dinuga njalari timbule bencana banjir bandhang lan lemah mlorod ing Sumatra. 12 subyek hukum kuwi, kandhane Raja Juli, wis diinventarisir dening bidhang Penegakan Hukum (Gakkum) Kemenhut.
“Ana 12 perusahaan ing Sumatera Utara sing wis diinventarisasi dening Gakkum, utamane ing Batang Toru. Kabeh bakal dipatrapi pidana yen kabukten luput,” kandhane Raja Juli nalika rapat kerja karo Komisi IV DPR, Kemis, 4 Desember 2025 kepungkur.Miturut Raja Juli, nganti seprene upaya inventarisasi mau durung mandheg. Pihake terus nliti sapa-sapa perusahaan sing mbabadi alas sakarepe dhewe engga nuwuhake kapitunan gedhen tumtap rakyat cilik. Kejaba kuwi, ujare Raja, Presiden Prabowo paring arahan amrih Kemenhut nyabut 20 Perizinan Berusaha Pemanfaata Hutan (PBPH) kanggo area sing ambane 750.000 hektar. Kuwi durung kepetung 18 PBPH kang jembare 526.144 hektar sing dicabut Kemenhut. (Antara)
Panulis : Antara
Edhitor : Tim Redhaksi Panjebar Semangat Digital
