Presiden Prabowo Subianto ngresmekake akad massal 26 ewu Kredit Pemilikan Rumah (KPR) Sejahtera Fasilitas Likuiditas Pembiayaan Perumahan (FLPP) mesisan serah terima kunci ing Perumahan Pesona Kahuripan 10, Cileungsi, Bogor, Jawa Barat, Senen, 29 September 2025. Jrone sesorahe Prabowo kandha, sektor perumahan ora mung saderma nyukupi kebutuhane masyarakat mligine sing pengasilane cumpen, nanging uga minangka motor penggerak ekonomi.
Prabowo narget mbangun 3 juta omah rakyat sasuwene 5 taun kepemimpinane. Miturut Prabowo target kasebut kudu kecandhak kanthi semangat sing dhuwur, kaya pesene proklamator Bung Karno amrih nggantungake cita-cita ing langit. “Yen langite ora kegayuh, paling ora kita ceblok ing sela-selane lintang. Target 3 juta omah kaya-kaya angel diranggeh. Nanging tugasku minangka pemimpin tansah ngudi ngowahi nasibe wong cilik,” tuture Prabowo.
Miturut Prabowo, pemimpin kudu wani rekasa, nyambut gawe mempeng sarta ora nglokro ngadhepi pepalang. Senadyan pemimpin mau uga mangerteni kekurangane, nanging dheweke ora isan-isin ngoreksi kekurangan kuwi. Ing kalodhangan mau sacara simbolis Prabowo masrahake kunci omah subsidi marang 10 klompok masyarakat berpenghasilan rendah (MBR), wiwit saka asisten rumah tangga, tuna-netra, tukang becak, perawat, guru, tani, lan prajurit TNI/Polri. Acara akad massal lan penyerahan kunci omah subsidi mau dileksanani dening Kementerian Perumahan dan Kawasan Permukiman bebarengan karo BP Tapera. (Antara)
Panulis : Antara
Edhitor : Tim Redhaksi Panjebar Semangat Digital
Bet88828 is awesome! I’m very glad I was lucky enough to stumble upon this place. I have played here for a while now and I don’t have any complaints. bet88828
I have to say, I really enjoy playing on 88betag. Very professional, easy to use, and the games are very fun! Check them out at: 88betag
If you’re looking for a place to play, then adsbet88 isn’t a bad place to start! I don’t have any problems with adsbet88, so, in my book, the site is a good site! adsbet88!