Menteri Komunikasi dan Digital (Menkomdigi) Meutya Hafid nuturake, penayangan iklan program pemerintah ing layar bioskop sadurunge film diwiwiti mujudake bentuk transparasi publik. Penyiaran iklan mau, ujare Meutya, bageyan saka komunikasi publik kanggo menehi weruh marang masyarakat program apa wae sing wis dileksanani Presiden Prabowo.
“Masyarakat wajib ngerti program-program apa wae sing wis ditindakake Presiden, lan kepriye cak-cakane,” kandhane Meutya ing Kompleks Parlemen Jakarta, Senen, 15 September 2025.
Penonton film bioskop kober disuguhi dening muncule iklan cuplikan kegiyatan-kegiyatane Presiden Prabowo sarta pranyatan ngenani program sing wis kasil digayuh. Antara liya total prodhuksi beras nasional 21,76 juta ton nganti Agustus 2025, dibukake 5.800 Satuan Pelayanan Pemenuhan Gizi (SPPG), peluncuran 80.000 Kopdes Merah Putih, lan 100 Sekolah Rakyat.
Miturut Meutya komunikasi publik kudu ditindakake ing maneka ruwang supaya informasi ngenani kebijakan apadene program pamarentah dingerteni kanthi becik dening masyarakat. Anggota Komisi V DPR Danang Wicaksana darbe panemu, penayangan iklan pamarentah ing layar bioskop ora nyalahi aturan jalaran gedhong film klebu ruwang publik. “Masyarakat butuh informasi sing bener ngenani program sing wis dileksanani pamarentah,” kandhane. (Antara)
Panulis : Antara
Edhitor : Tim Redhaksi Panjebar Semangat Digital
