Aset Rp124 Miliar bali menyang Pemkot Surabaya, Disiapake kanggo Dongkrak Ekonomi lan Karaharjan Warga

Pemerintah Kota Surabaya bali ngencengi komitmene jroning ngamanake lan nylametake aset negara kanggo kepentingan masyarakat.  Sing paling anyar, Pemkot Surabaya kanthi diampingi Kejaksaan Tinggi (Kejati) Jawa Timur kasil mbalekake aset arupa pekarangan sing ambane 96.932 m2 ing Kelurahan Jeruk, Kecamatan Lakarsantri.

Aset kuwi nduweni aji watara Rp124.068.970.000.  Baline aset ditandhani kanthi pamasrahe Sertipikat Hak atas Tanah marang Pemkot Surabaya sarta aweh penghargaan ing Kantor Kejaksaan Tinggi Jawa Timur, Selasa (8/9/2026).

Pekarangan sing kasil diamanake kuwi dumadi sawenehing fasilitas publik, yaiku Taman Hutan Raya (Tahura) Jeruk, Puskesmas, lan Wadhuk Jeruk.  Sadurunge, aset kuwi tau diklaim lan dikuwasani dening pihak liya nganti puluhan taun.

Kasile nylametake aset mau ditindakake liwat bantuan hukum non-litigasi lan pendhampingan intensif Jaksa Pengacara Negara (JPN) Kejati Jawa Timur.  Upaya ksb uga dikuwati liwat kolaborasi karo Kantor Wilayah Badan Pertanahan Nasional (BPN) Jawa Timur. 

Wali Kota Surabaya Eri Cahyadi paring apresiasi marang Kejati Jawa Timur sing wis ndhampingi pemkot nganti aset mau bali ana ing panguwasane pemerintah.

“Matur nuwun marang Kejaksaan Tinggi Jawa Timur, saengga aset pemerintah kota bisa bali, lan insyaallah bakal kita manfaatake kanggo warga Kota Surabaya,” ujare Wali Kota Eri.

Miturut Cak Eri, kawasan Tahura Jeruk Surabaya Barat nduweni fungsi penting kanggo masyarakat.  Sebab, lokasi kuwi dadi salah siji ruang terbuka hijau sing bisa dimanfaatake warga kanggo aktivitas lan nenikmati lingkungan. 

“Kaya sing kita mangerteni, iki panggonane warga Kota Surabaya nikmati ruang terbuka hijau. Ana wadhuk, ana panggonan kanggo istirahat, ana panggonan kanggo dolanan, saengga papan kang ambane 96.932 m2 kuwi bisa dimanfaatake warga Kota Surabaya,” jlentrehe.

Wali Kota Eri ngandhakake, masalah sengketa muncul nalika Pemkot Surabaya arep nindakake sertifikasi marang pekarangan mau.  Nalika kuwi, ana pihak sing ngaku ndhuweni pekarangan sing dadi asete pemerintah. 

“Nalika kita arep nyertifikatake, dumadakan ana sing ndaku tanah kuwi. Yen dietung (ajine) sing mlebu ing aset Rp124 miliar, iki dudu cilik. Aji sing luar biasa gedhene,” ujare.

Pendhampingan Kejati Jawa Timur sabanjure mbantu Pemkot Surabaya ngrampungake masalah kuwi nganti sertipikat aset bisa diterbitake.  Wali Kota Eri nganggep asil iki dadi bagean penting saka upaya pemerintah njaga aset negara supaya tetep menehi manfaat kanggo masyarakat. 

“Alhamdulillah kanthi pendhampingan Kejaksaan Tinggi Jawa Timur, mula aset kuwi bisa bali maneh marang Pemerintah Kota Surabaya,” tambahé.

Sanajan mangkono, Ketua Dewan Pengurus Asosiasi Pemerintah Kota Seluruh Indonesia (APEKSI) kuwi mesthekake yen pengamanan aset bakal terus dadi salah siji kawigaten Pemkot Surabaya.  Miturut Pak Eri, aset pemerintah kudu dimanfaatake sacara optimal kanggo kepentingan masyarakat, selaras karo arahan Presiden Prabowo Subianto. 

“Dadi dina iki konsentrasi kita Pemerintah Kota Surabaya yaiku nggunakake lan mbalekake aset. Kaya prentahe Bapak Presiden Prabowo Subianto, kepiye manfaatake aset digunakake saakeh-akehe kanggo kepentingan masyarakat,” tandhese Wali Kota Eri.

Ora mandheg ing nylametake aset wae, Wali Kota Eri nuturake yen Pemkot Surabaya uga wis nyiapake pemanfaatan pekarangan Jeruk kanggo ndhukung aktivitas ekonomi masyarakat.  Pak Eri ngandhakake kawasan kuwi mengko bakal diarahake kanggo ndhukung UMKM, ruang terbuka hijau, nganti fungsi penampungan banyu. 

“Insyaallah pekarangan sing ana ing Jeruk mengko bakal ana UMKM-e. Kaya aset-aset liyane sing bakal kita gunakake kanggo kepentingan-kepentingan rodha perekonomian masyarakat, kanggo nyuda angka kemiskinan lan pengangguran ing kutha Surabaya,” jlentrehe.

Mula saka kuwi, Wali Kota Eri nyatakake yen Pemkot Surabaya bakal terus koordinasi karo Kejati Jawa Timur lan Kanwil BPN Jawa Timur kanggo ngamanake aset-aset liyane sing isih ngadhepi masalah kepemilikan utawa penguwasaan dening pihak liyane. 

“Amarga tugas kita Pemerintah Kota Surabaya yaiku ngamanake aset negara. Aset negara kudu saakeh-akehe bisa dimanfaatake dening warga Kota Surabaya,” ujare.

Wali Kota Eri ngakoni isih ana sawetara aset Pemkot Surabaya sing butuh kawigaten.  Mula kuwi, pemkot bakal ndata lan nindakake pemaparan marang Kejati Jawa Timur amrih oleh pendhampingan ing proses pengamanan aset. 

“Dadi ana sawetara, mengko kita uga bakal jlentrehake marang Pak Kajati. Muga-muga sing bakal kita lebokake kuwi uga ikon-ikone kutha Surabaya jaman biyen,” ujare.

Wali Kota Eri ngajab sinergi antarane Pemkot Surabaya, Kejati Jawa Timur, lan BPN Jawa Timur bisa terus dikuwati supaya aset pemerintah sing isih dikuwasani pihak liya bisa dibalekake lan dimanfaatake kanggo kepentingan masyarakat. 

“Muga-muga kanthi sinergitas karo Pak Kanwil BPN Jawa Timur, kanthi bimbingan Pak Kajati Jawa Timur, mula kabeh aset bisa bali maneh marang Pemerintah Kota Surabaya,” jlentrehe.

Ing kalodhangan sing padha, Kepala Kejati Jawa Timur Abdul Qohar nerangake, baline aset kuwi ditindakake liwat mekanisme non-litigasi dening Jaksa Pengacara Negara (JPN) Kejati Jawa Timur.  Pendekatan kuwi bisa ndadekake ngrampungake masalah aset tanpa kudu liwat proses persidangan. 

“Liwat instrumen bantuan hukum non-litigasi, kita bisa mbalekake kekayaan negara tanpa kudu liwat proses peradilan sing ngentekake wektu suwe lan biaya akeh, tenaga kesedot. Nanging kanthi tetep ngutamakake prinsip kepastian hukum lan keadilan,” ujare.

Abdul Qohar nandhesake, kasile mbalekake aset kuwi nuduhake yen peran kejaksaan ora mung ana ing ranah pidana, nanging uga nyakup bidang perdata lan tata usaha negara. 

“Kasuksesan iki nandhesake fungsi krusial kejaksaan ora mung ing ranah pidana nanging uga ing ranah perdata lan tata usaha negara,” jlentrehe.

Miturut dheweke, sertipikat sing diserahake marang Pemkot Surabaya dudu mung dokumen administratif.  Ing suwalike aset kuwi ana fasilitas publik sing manfaaté bisa dirasakake langsung dening masyarakat. 

“Iki dudu mung saderma proses administratif, pengamanan lan mbalekake aset duweke Pemerintah Kota Surabaya, nanging ing njero kuwi ana hak-hak masyarakat Kota Surabaya arupa fasilitas publik sing dirasakake manfaaté sacara langsung,” jlentrehe.

Saliyane kuwi, Abdul Qohar uga nandhesake yen mulihake aset ksb ora mung bisa dideleng saka regane lemah sing nggayuh Rp124 miliar.  Luwih saka kuwi, anane fasilitas publik ing ndhuwur lemah kuwi nduweni manfaat jangka panjang kanggo masyarakat. 

“Ajine luwih gedhe maneh, yaiku ajining manfaat langsung lan ora langsung saka fasilitas publik kanggo masyarakat generasi saiki lan generasi sing bakal teka,” ujare.

Amarga kuwi, Abdul Qohar mesthekake Kejati Jawa Timur siap menehi pendhampingan yen Pemkot Surabaya nemokake aset liyane sing isih dikuwasani pihak katelu.  Dheweke nandhesake langkah kuwi mujudake bagean saka komitmen Korps Adhyaksa kanggo mbantu pemerintah ngamanake aset negara. 

“Dadi aset pemkot iki akeh sing sa

iki dikuwasani dening pihak katelu. Mula saka kuwi mau takkandhakake marang Pak Wali Kota sarta jajarane, yen isih ana, kejaksaan siap muncul, siap mbantu aset-aset pemerintah, kalebu marang Pemerintah Kota Surabaya,” jelase.

Ing kesempatan sing padha, Kepala Kantor Wilayah ATR/BPN Jawa Timur, Muhammad Naim nyatakake penerbitan sertipikat Hak Pakai dadi bagean saka upaya menehi kepastian hukum marang aset pemerintah. 

“Sacara administrasi, kita wis ngrampungake lan ngetokake sertipikat Hak Pakai. Kaya sing diwelingake Pak Wali Kota, aset-aset iki mengko bisa dimanfaatake kanggo kemakmuran rakyat,” ujare Naim.

Naim uga aweh apresiasi marang jajaran Kejati Jawa Timur sing menehi pendhampingan ing proses sertifikasi, kalebu liwat pengawasan langsung ing lapangan. 

“Apresiasi sing luar biasa atas pendhampingane saengga proses sertifikate ketata rapi. Pendhampingan iki ora mung ing kantor, nanging temen-temen mudhun menyang lapangan,” ujare.

Pihaké uga mesthekake proses penertiban lan sertifikasi aset Pemkot Surabaya bakal terus lumaku.  Inventarisasi bakal ditindakake marang aset-aset liyane sing isih ngadhepi masalah penguwasaan utawa sengketa.  “Isih akeh aset-aset Pemerintah Kota Surabaya sing butuh perhatian kanggo nertibake aset sing mungkin akeh dikuwasani pehak liya,” pungkase. (ADV)